Lajme & Ngjarje
Vendoset rrjet i ri elektrik në Livoq të Epërm të Gjilanit 23-08-2018

https://telegrafi.com/vendoset-rrjet-ri-elektrik-ne-livoq-te-eperm-te-gjilanit/
http://www.rtklive.com/sq/news-single.php?ID=289335
https://gazetablic.com/vendoset-rrjet-i-ri-elektrik-ne-livoq-te-eperm-te-gjilanit/
https://www.epokaere.com/vendoset-rrjet-i-ri-elektrik-ne-livoq-te-eperm-te-gjilanit/
http://zeri.info/ekonomia/213062/vendoset-rrjet-i-ri-elektrik-ne-livoq-te-eperm-te-gjilanit/
https://periskopi.com/vendoset-rrjet-i-ri-elektrik-ne-livoq-te-eperm-te-gjilanit/
http://www.kosovapress.com/sq/lajme/vendoset-rrjet-i-ri-elektrik-ne-livoq-te-eperm-te-gjilanit-176366/
http://gazetametro.net/vendoset-rrjet-i-ri-elektrik-ne-nje-fshat-te-gjilanit/

http://botasot.info/gjilani-kosova/939674/vendoset-rrjet-i-ri-elektrik-ne-livoq-te-eperm-te-gjilanit/
http://www.gazetatribuna.com/lajme/vendoset-rrjet-i-ri-elektrik-ne-livoq-te-eperm-te-gjilanit/
http://ata.gov.al/2018/08/23/vendoset-rrjet-i-ri-elektrik-ne-livoq-te-eperm-te-gjilanit/

 

Kompania Kosovare për Distribuim dhe Furnizim me Energji Elektrike, KEDS, ka përfunduar një investim të gjerë në fshatin Livoq të Epërm të Komunës së Gjilanit.
Investimi në këtë fshatin që ndodhet në hyrje të kësaj komune, përfshinë vendosjen e 78 shtyllave të betonit për tension të ulët dhe 23 shtyllave të tensionit të mesëm.
Vendosja e shtyllave të betonit bëhet për t’i zëvendësuar shtyllat e drurit, të cilat në shumë raste janë të vjetëruara dhe dëmtuara, dhe si të tilla paraqesin rrezik për kalimtarët e rastit.
Po ashtu, KEDS ka vendosur një trafo e re me fuqi 400 kVa, si dhe është bërë ndërtimi i rrjetit të tensionit të ulët me gjatësi afër pesë kilometra, dhe rrjeti për tension të mesëm, në gjatësi prej mbi një kilometër.
Viktor Buzhala, zëdhënës i KEDS, thotë se kompania po vazhdon ndërrimin e rrjetit elektrik në të gjitha rajonet e vendit.
“Ky investim do ta përmirësojë shumë situatën me energji elektrike për këtë pjesë. Pra, do të ketë stabilitet energjetik, do të reduktohen humbjet në rrjet, dhe kuptohet që zëvendësimi i shtyllave të drurit me ato të betonit ofron siguri për qytetarët, meqë shtyllat e kaluara kanë qenë të vjetëruara,” thotë ai.
Javë më parë, KEDS ka përfunduar një investim të ngjashëm në fshatin Uglarë të Gjilanit, ku kishin përfituar rreth 1200 shtëpi të kësaj ane. Përveç fshatit Uglarë, ky projekt kishte përmirësuar furnizimin me energji elektrike edhe në fshatrat përreth, sepse nga largpërçuesi i Uglarës furnizohet një pjesë e rajonit të Anamoravës.
Por, sipas Buzhalës, invesimet në këtë komunë do të vazhdojnë edhe në të ardhmen.
“Në të gjithë vendin KEDS çdo ditë është e angazhuar të përmirësojë rrjetin energjetik. Në Gjilan tashmë kemi përfunduar një numër projektesh, dhe do të vazhdojmë edhe në të ardhmen,” thotë Buzhala.


 
Keds Call Center
Shërbime online
Related News
Arkivi i Lajmeve & Ngjarjeve
Mirëmbajtja e planifikuar e rrjetit

Informata lidhur me ndërprerjet e planifikuara në rrjet

Projektet e KEDS

Projektet e KEDS

Vende të lira të punës

Vende të lira të punës

Kompania Kosovare për Distribuim dhe Furnizim me Energji elektrike SH.A
Kosovo Electricity Distribution and Supply Company J.S.C
Kosovsko Preduzece za Distribuciju i Snabdevanje Elektricnom Energijom D.D
Qendra e thirrjeve: 0800 791 00