Këshilla të përgjithshme të sigurisë nga energjia elektrike

• Inspektoni pajisjet e lidhura me kabllo dhe prizë;
• Riparoni ose zëvendësoni menjëherë pajisjet e dëmtuara;
• Asnjëherë mos e prekni prizën, ndërprerësin ose ndonjë pajisje tjetër elektrike me duar të lagura;
• Jini të vetëdijshëm që prizat e nxehta mund të jenë një shenjë se instalimi i energjisë elektrike nuk është bërë siç duhet, mos i shfrytëzoni ato derisa një elektricist i kualifikuar të ketë kontrolluar lidhjet;
• Mos i ngarkoni prizat me shumë pajisje. Duke i shkyçur pajisjet që nuk i përdorni, largohet rreziku nga goditjet elektrike dhe zjarret që mund të shkaktohen nga kjo dukuri;
• Rreziku i goditjes nga energjia elektrike është më i madh në zonat me lagështi;
• Gjatë stuhive të mëdha (vetëtimat, bubullimat) mos përdorni pajisje elektrike;
• Informohuni se ku ndodhen ndërprerësit/siguresat në rast urgjence;
• Etiketoni qartë të gjithë ndërprerësit dhe kutitë e siguresave;
• Mos përdorni priza që e kanë të ekspozuar instalimin elektrik të brendshëm të tyre (me izolim të dëmtuar);
• Mos prekni një person ose pajisje elektrike në rast të një incidenti; gjithmonë sigurohuni që është shkëputur së pari burimi i energjisë;
• Mos digjni mbeturina nën përçues elektrikë dhe afër shtyllave elektrike;
• Në asnjë mënyrë mos e prekni kabllon ose përçuesin elektrik që hasni diku;
• Nëse shihni një shtyllë të rrëzuar apo të thyer, për shkak të rrezikut, qëndroni së paku  5 metra larg dhe lajmëroni sa më parë rastin në KEDS;
• Nëse shihni që ju kanoset ndonjë rrezik juve apo të tjerëve nga energjia elektrike, kontaktoni sa më parë shërbimet emergjente dhe kompaninë tonë.